مزايا صبايا الأردن: مو كلهم طبعا

1. أنا وماما زي الصاحبات ، دايماً بحكيلها كل إشي ، ماما بتعرف عنك كل إشي شغل عرط و بس طبعا

2. كلهم شقر وعينيهم‏ ‏لينسيز ملونة يخزي العين . تقول هاي رجعتهم من السويد . بتسألها بتحكيلك شو لينسيز؟هدول عيوني الحئيئيين

3. كلهم ببعتولك المسج التالي : اتصل فيي ما معي رصيد ، و عندي امتحان مش آدره أروح أشتري بطائة

4. لو سألتها عن أحلى سنين بحياتها رح تحكيلك : ما بين 19 و 23 و بتشرحلك كيف كانت حلوة و مجننة شباب الجامعة وكيف كلهم بركضوا وراها و هي ما كانت تعبرهم _.

5.الشاطرة اللي بدها تقهر صاحباتها...بترن عل 1234(رقم مجاني لشركة الموبايل في الأردن) وبتنزل عرط و تخويث
baby يا عمري و بشوفك i miss uو على آآ حبيبي و شو ياحياتي و

6. كلهم أخدوا رخصة السواقة بالواسطة ....و أكيد هذا واضح من البريكات الخبط أو السرعة اللي ما بتتطلع عن 20,أو حزام الأمان اللي بروح ما ينمزع‏ ‏قد ما هو مشدود

7.بالجامعة بتطلب ساندوش لبنه - دايماً لبنه و إذا بدها تغير بتطلب منئوشة زعتر ، و الكولا دايت طبعا بس ترجع على البيت بتقوم بصدر المنسف لحالها ، والله ,بوكلونا على جوع !

8. إذا حاولت تمسك إيدها بعد شهرين صحبة بتسلخك كف بتعمي ضوك ، ومش بعيد تبزق عليك قدام كل الجامعة ، بس إذا لقيتها "صدفة" بعرس ابن خالة عم أمها ، بتضلكوا على البست للصبح ، وبتشبكوا على الدبكة وأعطيني هوارة أبو الحلاني
.....ورووووح...للصبح رقص سلوووو_على أساس فريندز طبعا

9. كلهم بابا بحبهم أكتر وحدة بين إخوانها .... وهي وبابا زي الصحاب و بابا بوخد رأيها بكل إشي

10. أكره إشي عليهم يشوفوك بتحضر مباراة ، بمعنى آخر أكتر إشي بكرهوا كرة القدم ، إلا إذا المباراة فيها إيطاليا أو إنجلترا بتلاقيهم قعدوا و بسطوا يبصبصوا على إجرين مالديني و بيكهام
بهاي معهم حق ، يعني بصراحة مالديني منظر و حسونة الشيخ منظر

11. مريحين بالهم و تنحصر اهتماماتهم في المواضيع التالية :
روجيم: - لازم أنزل كمان خمسين كيلو ،
حومرة وبودرة: - نزلوا حومرة جديدة بطعم الكيوي ،
أووولتك أسشور شعري ولا أعمله كيرلي,
الأكل: - ماما طبخت جاجة محشية تفاح ,
و ما بتغدوا غير ستيك مشوي ،و ما بشربوا غير مي .

الفن: -
رايان شعره بجنن, شفتي أصالة ما أزنخها , مش ألتلك انه بشار brad pitt,ما أزكاه بحب سلمى,شفتي صندل نانسي,أحمد الشريف أحلى واحد بالعالم !, لون بشرة اليسا واااااااو, حضرتي كليب جاد شويري ما أفيعوا؟
مو معئولة هالشاكيرا!!!

12. كلهم ما بدخنوا ...بس بابا سمحلهم يأرجلوا عادي

13. عندهم حالة تشابه غريبة : إذا واحدة عملت تاتو تاني يوم كل البنات تاتو ، إذا واحدة حطت خلخال تاني يوم كل البنات خلخال ،إذا وحده صبغت شعرها أخضر تاني يوم بتنزلك موضة الأخضر _...

14.مواصفات حبيب القلب :
فايع و شعره طويل ,معه سيارة حلوة,موبايله آخر موديل,يعزمها كل يوم ع كوفي شوب , وإذا بشبه توم كروز بكون ممتاز

15. بتكون أطفش من حكيها ما في..وكلو قال و غاد و انداري وقرفانةو بديش
..... thank uبالجامعة بتقلب آآل و هوناك و موعارفة وكتيييرزهئانةو ‎

16. دايماً شنتتهم مليانة أشياء زاكية ، إذا جعت بتلاقي معاهم السيفوي بالشنتة شبس ،شوكلاتة ،بسكوت, دروبس ،علكة,سوس


مفاهيم ربما تكون صعبة عليكم:-
عرط:كذب
تخويث:مزح
تسلخك:تضربك
فايع:شاقق الدني بصدره ومش هامه حدا
اطفش :ادفش,اثقل
غاد:هناك
انداري:لا اعرف

هههههههههههه صرااحة انا الموضوع هادا حبيتو بالنسبة الي
انشالله يعجبكم
بس طبعا بنات الاردن من احسن الناس
بس انا قصدي عن النور

ههههههههههههههههه حلو الموضوع يسلمو خيتو

هههههههههههههه ثانكس تمارا كتير حلو الموضوع
مواضيعك روعه

هههههههههههههههههههههههههه
تسلمي توتوي
الموضوع بجنن
تحياتي:co0ol toto

وله دلال انا مو تمارا انا تسنيييم

إذا حاولت تمسك إيدها بعد شهرين صحبة بتسلخك كف بتعمي ضوك ، ومش بعيد تبزق عليك قدام كل الجامعة ، بس إذا لقيتها "صدفة" بعرس ابن خالة عم أمها ، بتضلكوا على البست للصبح ، وبتشبكوا على الدبكة وأعطيني هوارة أبو الحلاني
.....ورووووح...للصبح رقص سلوووو_على أساس فريندز طبعا



والله موضوع من الاخر بس حرام عليكم انا مو هيك

بس ممكن الي انا حاتيتها نفس الشي

تحياتي:احلى رورو

لييش مين قال يا احلى رورو اني بحكي عنك

ولو انتي عرااسي حبيبتي