روووومانسية على الطريقة الاردنية:لا تزعلوا طبعا مززح

رووومانسية على الطريقة الاردنية

خلف فجأة : ولك يا قردة شكلك ناسية انو مثل هاظ اليوم قبل سنتين كان اول مرة بشوف سنحتك وبنحب بعض, يعدمني جدوقك شو ناسية.

شفيقة: والله جد ولك تفو عليك شو بحبك , بعدك متذكر يا مقلعط؟

خلف : هووووه , هو الي بشوف هالشكل الي بقطع الرزقة بنساه؟

-هاهاههاهاهاهاها استغفر الله ابوك شو حكياتك حلوين وهاظ الي معلقني فيك , تتذكر اول مرة تلقينا ؟

- هههههههه هو انا بنسى؟ ,, يوم ما حطتلك رجل وانتي ماشية مع امك وقلبتي على بوزك؟

- ولك الله يقطعك شو رومانسي , كيف هيك تجرأت واتخذت هاي الخطوة الجريئة؟ , جد انا بحب الشب المبادر والقلبو قوي

- يالله عاد هسه بدك تكبري راسي وتظلك تمدحي فيي؟ ,, انتي كمان بزقتي علي يومها تتذكري؟ , والله ما بنسى بزقتك وهي بتتدلى على وجهي وبتنزل شوي شوي ,, يومها عنجد عرفت انك بتحبيني ..

...آه والله يا خلوفتي انا ما بزقت عليك الا لأني بحبك,,

.يا قلبي انتي

-حياتي .

- طيب تتذكري يوم دخلتنا؟

- ههههههههههه ما بنساه ,, استغفر الله حرمك --- لو كنت بحبك مرة صرت أحبك ألف مرة بعد هظاك اليوم , يوم ما اقترحت علي انو نتباطح والي ببطح الثاني 3 مرات هو الي بنام عالارض والفايز بنام عالتخت .

- يالله يومها شو انبسطت , بس صحيت ثاني يوم مكسره عظامي من النومه عالارض .

ماهو يا خلف انا بطحتك 5 مرات .

- لا والله بس بطحتيني عالارض 4 مرات ,, آخر وحدة مش محسوبة.

- كيف مش محسوبة بطحتك المرة الخامسة لما دعست على رقبتك ناسي؟

-هو هووو علينا خلص مو مشكلة يا ستي بطحتيني خمس مرات ,, هسه ما تظيعي علينا الاحتفال بهاي الليلة الي ما بتتعوض .

- والله معك حق , خلص شو رأيك انا اليوم رح اخليها ليلة رومانسية بشكل ,,

- شو رح تعملي؟

انت ما عليك بس حظّر الشمع واشعله وسكر الظواو وهسه باجي .

وما ان اشتعل الشمع الا وخرجت شفيقة من المطبخ حاملة صحن كبييييييير مجدرة ,, فإنغمرت عيون خلف بالدموع فرحا , حمد ربه ووعد شفيقة بأن يبقى مخلصا لها ..

فما كان من شفقية الا ان طلبت منه بوسه ,, فلما لفلها خده عضت أذانه فضحك وضحكت ,,
وبقيو على الطاولة يأكلون المجدرة لأخر الليل ,, ويقال انهم الى الان بياكل بالمجدرة

خخخخخخخخخخخخخخخخخخخخخخخ بصراحه روعه بس ياريت الاردنين الي هان ما يزعلو Smile

لا طبعا ما بيزعلو لانو اصلا مزح وانا حكيت مو كل الاردنييين
بعدين انا منهم
ولو معتز شو يلي بيزعل

ما بعرف هاي الصراحه :pلا شدعوه لا والله ع راسي الاردنين كلهم

تسلم معتز

ولو خيتو

هههههههههههههههههههههههههههههه حلوو موضوعك تسنيموو
ومنن الاخر كمان

عراااااااااسي نور يا زعرة حياتي
ولو انا بالخدمة

يوم ما حطتلك رجل وانتي ماشية مع امك وقلبتي على بوزك؟

تسنييمووو الموضوع اكتتتتتتتتتر من رووعة والله حششت كتير حلو

سانكس
وفي اصلا احلى من هيك رومنسية امانة احكوووا؟؟

تحياتي:احلى رورو

هههههههههههههههههههههههههههههههههههههههه لالالا ما في احسن من هيك زومنسية هاي احسن شي

هااااااااااي رومنسية 2008 من الاخر صراحة

» كيف توصل خبر سي؟؟؟!!!!! اليكم الطريقة
» باصات الأردن‏... مززح ما حدا يزعل
» ام قيس الاردنية .......
» مزايا صبايا الأردن: مو كلهم طبعا
» قصة واقعية و مؤثرة السيدة الاردنية المسلمة ربا قعوار التي دخلت في الاسلام